Woh Hanste Gaate Mausam Jo
Gaye Tou Phir Naa Laut Sake
Jab Yaad Kabhi Woh Aate Hain
Tau Dil Ko Bahut Tadpaate Hain

Tadap Aisi Jo Kisi Se Keh Na Saken
Dard Aisa Jise Hum Seh Naa Saken
Tab Palko Mein Chupe Aansu
In Aankhon Ko Bahut Jalaate Hain

Toote Huye Khwabo Ke Tukde
Reh Reh Ke Hamko Chubhte Hain
Aur Woh Lamhe Jo Beet Gaye
Maano Nashter Ban Jaate Hain

Palkon Mein Chupaye Dard Apna
Hum Chupke Se Seh Jaate Hain
Per Woh Aansu Hum Roken Kaise
Jo Bin Bole Beh Jaate Hain