Ek arzoo thi dil main bass unhe pane ki
Bikhre huye pal palkon pe phir se sajaane ki

Waqt ke falak par har khwaab toot gaya
Nazar ye kesi lagi bedard zamaane ki

Teri yaadon ne itna madhosh kar diya hein
Hasrat nahi rahi ab mehkhaana jaane ki

Thak gaya hoon main is dariyaa main
Tamanna nahi hai abb meri kinaara pane ki

Bikhar jaane de mujhe tanhaaiyon main
Nakaam koshish na kar mehfil sajaane ki

Wasta na diya hota un beetein lamhon ka tune
Tham gayi hoti shehnaayi is afsaane ki

Nikalte nahi hain ashq ab in aankhon se
Aansu bahaakar koshish na kar mujhe rulane ki

Raaz bankar dafan ho jaane de abb mujhe
Naam le le kar koshish na kar sabb ko bataane ki

Source: Lafz

Ghareebon Ki ye Basti Hay Kahan Say Shokhiyan Laon?
Yahan Bachey To Rehtay Hain Mager Bachpan nahin rehta…

Source: Lafz