Jab Tera Hukm Milaa Tark Muhabbat Kar Di
Dil Magar Is Pe Woh Dharkaa Ke Qayaamat Kar Di

Tujh Se Kis Tarah Main Izhaar-E-Tamannaa Karta
Lafz Sujhaa To Maani Ne Baghavat Kar Di

Main To Samajhaa Tha Ke Laut Aate Hain Jaane Wale
Tune Jaakar To Judaai Meri Qismat Kar Di

Mujh Ko Dushman Ke Iraadon Pe Bhii Pyaar Aataa Hai
Teri Ulfat Ne Muhabbat Meri Aadat Kar Di

Poch Baitha Hon Main Tujh Se Tere Kooche Ka Pata
Tere Haalat Ne Kaisi Teri Surat Kar Di

Kiya Tera Jism, Tere Husn Ki Wehdat Main Jalaa
Raakh Kis Ny Teri Sonay Jesi Rangat Kar Di

Source: Lafz