Hazaar ghum the meri zindagi akeli thi
Khushi jahaan ki mere vaaste paheli thi

[paheli=riddle]

woh aaj bach ke nikalate hain mere saaye se
ke main ne jin ke liye Ghum ki dhoop jheli thi

judaa hue na kabhi mujh se gardish-e-dauraan
meri hayaat ki bachapan se ye saheli thi

[gardish-e-dauraan=wheel of time; hayaat=life]

chadhaa rahe hain woh he aaj asteeney mujh par
ki jin ki peeth pe kal tak meri hatheli thi

[aastiin=sleeve]

ab un ki qabr pe jalataa nahiin diyaa koi
ki jin ki dahar men roshan bahut haveli thi

[qabr=grave; dahar=world]

woh jhuk ke phir meri turbat pe kar rahe hain salaam
isi adaa ne to Mahir ki jaan le li thi

[turbat=grave]

Source: Lafz