Source: Lafz

Wafa Is Ko Nahi Kehte Wafa Kuch Aur Hoti Hai
Mohabbat Karne Waloo Ki Adaa Kuch Aur Hoti Hai

Tumhara Pyar Hai Hasil Khuda Se Aab Mai Kya Mangoo
Ki Is Daulat Se Badh Kar Bhi Bhala Kuch Aur Hoti Hai

Agarcha Gum Ka Mara Hu Magar Tum Ye Na Bhuloge
Ki Deewanoo Ke Honto Pe Dua Kuch Aur Hoti Hai

Tadap Uthe Gi Ye Duniya Agar Royega Dil Mera
Ki Dil Se Joo Nikalti Hai Wo Sada Kuch Aur Hoti Hai

Tumhe Dekha Tumhe Chaha Tumhe Se Pyar Kar Baithe
Suno Pathar Ke Dil Waloo Wafa Kuch Aur Hoti Hai

Source: Lafz

Haq Wafa Ka Jo Hum Jataane Lage
Aap Kuchh Kehke Muskuraane Lage

Hum Ko Jeena Padega Furqat Mein
Wo Agar Himmat Aazmaane Lage

Darr Hai Meri Zubaan Na Khul Jaaye
Ab Wo Baatein Bahot Banaane Lage

Jaan Bachti Nazar Nahin Aati
Gair Ulfat Bahot Jataane Lage

Tum Ko Karna Padega Uzr-e-Jafa
Hum Agar Dard-e-Dil Sunaane Lage

Bahot Mushkil Hai Sheva-e-Tasleem
Hum Bhi Aakhir Ko Jee Churaane Lage

Waqt-e-Rukhsat Tha Sakht “Hali” Par
Hum Bhi Baithe They Jab Wo Jaane Lage.

Source: Lafz

Dil Shay Woh Nahi Ki Phir Jut Jae Aye Huzur

Pachtana Padega Akhir Ko Tod Kar

Maaoo Ne Ki Parwarish Bachpan Se Aaj Tak

Bache Chale Gaye Phir Ghar Apna Chod Kar

Gar Tum Ko Na Qabool Tha Lena Na Tha Isye

Wapas Diya Hai Dil Mera Akhir Ko Tod Ke

Aya Samjh Me Hai Ziya Waqat Ka Nafees

Hum Dhondte Hai Dost Naya Un Ko Chod Ke
.