Jo us say bat nahi hoti har bat adhori lagti hay
Us kay bina toh ab apni zaat adhori lagti hay

Us say batien kartey kartey sonay ki jo aadat thi
Ab shab bhar neend nahi aati raat adhori lagti hay

Us say kaho kay lot aaye sawan rut hay aaney ko
Wo jo sath nahi hota barsat adhori lagti hay

Hay dard, whashat, tanhai per khak nahi hay chehry par
Jo pyar mein bakhshi hay us ne Khairat adhori lagti hay

Daman ko bhigo kar ashkon se ya sajdon mein tanhai kay
Gar uski khushyan na mangon Munajat adhori lagti hay

Ik ilteja hay mairi ya Rab tu hosh salamat rakh
jo dard milay madhoshi mein soghat adhori lagti hay

Hamesha muskura kay ansovon ko chhupaya
gham ko chhupane ka yehi rasta nazar aya

kis kis ko batain behte ashkon ka sabab
k dard-e-dil dil mein kis ne jagaya hai

mehfilon mein kahin bhi maza na raha
rakha dil pey pathar to khud ko sajaya

baat be baat apni aahein dabba kar
yaaron k darmyan kis kadar muskuraya

na thi chah mujhe kabhi munkashi ki
jam wafa kissi bewafa ne pilaya

kya muqadar se shikwa karte rahey
jo kismet mein tha wohi kuch to paya

yeh kis mour par aa gayein hain umeedein
kaye saye manzil nazar mein na aya

apnon ne palat k dekha tak nahin
gairon ne akar galay se lagaya

acha huwa k raaz khul hi gaya
dil naazon pey khanjar kis kis ne chalaya

shab-o-rooz chahat ka silah yehi hai madan
dil k tukrey huway wo chun,ne na aya