Janat nazir hai meri Maa
rehmat ki tasveer hai meri Maa

mein aik khowab hoon zindagi ka
jis ki tahbeer hai meri Maa

Zindagi key Khatiin rasto mein
Mashal-i-rah hai meri Maa

merey her gham, her dard mein
aik niya josh, walwala hai meri Maa

Meri haar meri nakaami wabasta mujh sey hai
meri jeet meri kamyaabi ka raaz hai meri Maa

Chupa leti hai her zakham ko wo marham ki tarha
Merey her dard her gham ki dawa hai meri maa

Dunya mein nahein hai koi nehm-ul-badal uska
Mamta mein hai mukamal faqat meri Maa

Zindagi K Safar Main Gardishon Ki Dhoop Main
Jab Koi Saya Nahin Milta To Yaad Ati Hai Maa

Piyaar Kehtey Hain Kisey aur Mamta Kya Cheez Hai
Koi Un Bachon Say Pooche Jin Ki Marr Jati Hai Maa

Deir Ho Jati Hai Ghar Ane Mein Aksar Jab Hamein
Rait Par Machali Ho Jaisey Aisey Tarapti Hai Maa

Martey Dum Jab Bacha Na Aye Agar Pardes Se
To Apni Dono Putliyan Chokhat Pe Rakh Jati Hai Maa

Fikar Mein Bachon Ki Kuch Is Tarha Ghul Jati Hai Maa
Nowjawaan Hote Huway Bhi Bhuri Nazar Ati Hai Maa

Samney Bachon Ke Khush Rehti Hai Har Haal Mein
Rat Ko Chup Chup Ke Ansoo Bahati Hai Maa

Sal Bahr Main Ya Kabhi Hafte Main Jum-e-Rat Ko
Zindagi Bhar Ka Sila Aik Faat-e-Haa Pati Hai Maa

Hasool-e-Jannat Ki Rah Guzar Hay
Zameen Pe Jo Us Ka Naqsh-e-Paaq Hay

Tamaam Ankhon Mein Akas Us Ka
Wo Chehra Cherhra Ik Aaina Hay

Wo Azmaton Ka Hasool Bhi Hay
Wo Kaamyaabi Ka Rassta Hay

Samait Laita Hay Baazuon Mein
Wo Qurbaton Ka Skaaon-e-Haal Hay

Wo Shafqaton Ki Nazeer Hay Aesi
Keh Us K Jaisa Koi Kahan Hay

Jo Saaray Rishton Say Yaarwa Hay
Kitaab-e-Hasti Mein Wo Lafz "MAA" Hay

Ab mere liye roz dua kon kare ga
Yeh farz ada maan k siwa kon kare ga

Chupke se mujhe chor k chal di yeh na socha
Ab mujhe pe dil-o-jan fidaa kon kare gaa

Dunya mein wafadar koi maa k siwa hain?
Youn maa ki tarah mujh se wafa kon kare

Baboo our mera laal kaha karti thi maa tu mujhe
Qaaim teri mamta ki fiza kon kare gaa

Karne ko mujhe kehti thi maa sabar hamesha
Ab sabar ki talkeen sada kon kare gaa

Har lamha rulati hain teri yaad maa mujhe
ansoon ko mere khushk bata kon kare ga?

Meri ammi ko bula de koi
warna mujh ko hi sula de koi

mujhe bistar ki to adaat hi nahin
apni goadi mein hi jhulaa de koi

shaid Aa jaye woh rona sun kar
bewaja mujhe rola hi de koiii

mein ne kaii rooz se nahin khaya
us mohabbat se khila hi de koiii

mujhe khwahish nahin k mile dunia
mujhe bas ammi se hi mila de koi

Mujhay raat gaye tak bahir rehnay per rokti rehti thi
Mein us ki baatein sun kar hansi say uchaal deta tha
Kal say jaldi aaon ga keh ker taal deta tha
Woh mujhay dekh kar muskra deti thi
Aur pyaar say chapat laga deti thi

Mein usay bohat satata tha bohat nakhray dekhata tha
Woh har baar meray naaz uthati thi
Woh meray sadkay wari jati thi
Raat kay kisi pahar bhi ghar jo aata us ko apna muntizar pata
Din raat us kay pyaar ki barsat hoti
Us ki duyain hamesha merey saath hoti

PER AB
Zindagi mein woh baat nahi hai
Kyu keh woh meray saath nahi hai
Us kay pyaar bina dil ki zameen sookhi hai
Ek wohi mukhlis thi sari duniya rokhi hai

Ghar jab loton woh nigahain dhoondta hoon
Sama jaon jin main woh bahain dhoondta hoon
Un jaghoon ko dekhta rehta hon
jahan beth kay woh mera intezar karti thi
Main ghantoon apna chahra dekhta hoon
jahan woh mujhay pyaar karti thi
Teri dua kay bagair sarkon per nikal jata hon
Her kadam her rastay per thoker khata hon

Tu lout aa keh mujhay abhi teri zaroorat hai
Mein ghar jaldi lout aaon ga
Khuda kasam tujhay kabhi na sataon ga
Teri khidmat sobha shaam karon ga
jo kahay gi who her kaam karon ga
Meray kaan phir say muntizar hain
ek baar phir woh lori suna de
Ek arsa hua mein soya nahi
Tu apni goud mein mujhey sula de

Kaash kabhi aisi duyain na martein
Kaash kisi ki maien na martein

Dard hua to dil se awaz aye maa
Takleef hue to yaad teri aye maa

Jab Sab na chor deya Mutlabi bewafa kah ke
Phir majhey tere achal ki yaad aye maa

Main kitna badnaseeb hoon
Logo se piyaar maanga maine Mile mujhey Tanhai
Tuney Bin maanga Kitna piyaar deya
Aur main teri hi kadar na kar saka maa

BadGumani mein har ek ko maine Seena se lagaya
Bus Badnaseebi to dheko
bus tujhey hi apne galey se na laagaya maa

Duniya ki ranginyon mein kohya raha
bus ek tujh hi ko bhool ka sab ke pecha bhagta raha
Teri Tanhaiyon mein ek pal bhi tere saath na raha
Main badnaseeb teri maafi ka kabil bhi na raha
Jab Hosh mein aya To maloom hua ke
koi apna nehi bus tere siwa maa

Teri goad main sar rakh ke
ro ro kemout-e-faryad ki dua ki
Maa na rote rote apni zindagi
apni khushiya bhi mere naam ki
Main Kitna beaqal kamzarf hoon
Tera khwab bhi pura na kar saka
main tere leya kuch bhi na kar saka maa

Maine kitne dhuk diya
Aur tuney uff tak na ki maa

tuney kabhi na saath chora
Na kabhi kuch kaha mujhey tuney maa
bus ek khwab hai zindagi ka
beshak kuch mile na mile
main kuch bano ya na bano
bus ek arman hai zindagi ka
Main ek dafa teri goad main sar rakh sako maa
woh sakoon-e-neend pana chahta hoon maa
Bohat dard ho raha hai maa
apne hathon se mere zakham-e-dard ko mita do maa