Dard kaisa bhi ho aankh nam na karo,
Raat kaali sahi koi gam na karo,

Ik sitara bano jagmagatey raho,
Zindagi mein sada muskurate raho.

Baantni hai agar bant lo har khushi,
Gam na zahir karo tum kisi par kabhi,

Dil ki gehrai mein gam chhupate raho,
Zindagi mein sada muskurate raho.

Ashk anmol hain kho na dena kahin,
In ki har boond hai motiyon se haseen,

Inko har aankh se tum churate raho,
Zindagi mein sada muskurate raho.

Faasley kam karo dil milate raho,
Zindagi mein sada muskurate raho.

Teri bewafai ke bafadar hain hum
Ab to yakeen ker le, tere dildaar hain hum

Tere laut aane ki umeed to nahi
Phir bhi teri raho ke talabgar hain hum

Khata hui thi kiski, ye maloom na hua
Duniya ki nazro me gunahgar hain hum

Ker lengey bharosa tere wado pe magar
Teri nazro me khoya aitbar hain hum

Jamane se chupaker rakha tha dil me
Hai mehrbani teri, sar-e-bazar hain hum

Kabhi tum Apni mohabbat ka aitebar to do,

Main chahon toot k tum ko yeh ikhteyar to do,

Guzarti hi nahi mujh say yeh zindagi tanha..

Sahara pyar ka day kar usay guzaar to do,

Hum sochty hain tumharay bagair kya hoga..

Dil-o-Demag per ek bojh hai utaar to do,

Meray khaiyal ki rahon ko kehkashan kar do,

K roshni say mayri zindagi sanwaar to do,

Umeed- e-Wasal Gham-e-Hijar ka madawa hai..

Main intezar karon Zabt-e-intezar to do.

Meri Ankh Kisi Ny Ujar Di

Mera Khwab Kisi Ny Chura Lia

Tujhy Kia Bataen K Dil Nasheen

Tery Ishq Main Teri Yad Main

Kbi Guftagu Rahi Phool Sy

Kbi Chand Chat Py Bula Lia

Meri Jang Ki Wohi Jeet Thi

Meri Fatah Ka Wohi Jashan Tha

Main Gira To Us Ny Dorr K

Mujhy Bazuooun Main Utha Lia

Meri Chand Chony Ki Hasarten

Meri Khush Hony Ki Khuwahishen

Wo Mila To Aisa Laga Mujhy K

Mujhy Jis Ki Talab Thi Usy Paa Liya.